A Deputación da Coruña convoca nos concellos o Premio Boas Prácticas en Servizos Sociais

A Deputación da Coruña convoca o Premio Boas Prácticas en Servizos Sociais, co fin de recoñecer ás entidades e persoas que traballan na protección dos colectivos máis vulnerábeis. Este mércores 24 publicaranse as bases deste novo certame, que sairán relatadas no BOP.

A entidade provincial salienta que coa pandemia e o momento que estamos a vivir, é de vital importancia o papel que exercen as asociacións e traballadores no eixo social. É por iso que a deputada de Benestar Social da Deputación, Ana Lamas, sinala que “estes premios son un recoñecemento a todas aquelas entidades e persoas que contribúen a mellorar a vida dos colectivos máis desfavorecidos”.

Aqueles que queiran presentar os seus proxectos deberán pertencer as áreas de familia, nenez e mocidade; persoas con diversidade funcional e maiores; minorías étnicas e inmigración; drogodependentes ou outras situacións de risco social.

En xeral, o ente provincial apoia cada ano arredor de 250 entidades sociais, proporcionándolles diversas subvencións. Mais con este proxecto, a Deputación entregará tres premios de 5.000 euros ás mellores iniciativas.

O prazo de presentación estará aberto dende a publicación no BOP, por medio da Base de Datos Nacional de Subvencións. Así, as propostas deberán formalizarse virtualmente a través da plataforma SUBTel da Deputación.