Soben a 69 residentes e 20 empregados da Domusvi Ribeira os afectados. Dez internos e un traballador novos positivos da Covid


A Consellería de Política Social informou de dez novos positivos entre os internos da residencia de Ribeira, polo que xa son 69 maiores os que están contaxiados. A eles hai que engadir outro enfermo entre o persoal, polo que chegan a vinte os traballadores afectados.

O brote afectaría na actualidade a 89 persoas, ademais dos catro residentes que faleceron por esta causa a semana pasada no Centro Galego de Desenvolvemento Integral ( Cegadi) de Salgueiriños.

Debido á cifra de maiores contaxiados, a Consellería decidiu trasladar a boa parte deles ao CEGADI para prestarlles unha mellor atención, posto que este centro está especificamente dirixido a tratar a maiores con Covid.

Por outra banda a morte dunha boirense de 74 anos eleva a 44 a cifra de falecidos pola Covid na comarca.