O Centro Cultural Lustres Rivas exhibe dende este xoves 21 e até o 28 de febreiro a exposición integrada polas obras seleccionadas do Certame de Artes Plásticas Issac Díaz Pardo que promove a Deputación Provincial da Coruña. A concelleira de Cultural, María Sampedro, participou no acto de inauguración da mostra, un evento limitado no que só fixeron acto de presenza autoridades e medios de comunicación.
Na apertura explicouse que o certame Isaac Díaz Pardo é un concurso artístico de referencia a nivel galego que nos brinda unha “oportunidade perfecta para coñecer as mellores creacións do momento”.
Neste senso, a mostra estará integrada pola obra gañadora, titulada 7, de Mauro Trastoi Lindín, máis outras dezanove obras de temática variada.
A exposición ficará aberta de luns a venres de 10 a 14 horas e de 19 a 21 horas e os sábados de 11 a 14 horas. O aforo está limitado a catro persoas conforme a normativa anti-COVID vixente. A máscara é obrigatoria.
