O Concello de Ribeira informa da apertura das inscricións do curso de socorrismo da Deputación

13 Xaneiro 2021

A Deputación Provincial da Coruña, no marco do Plan de Emprego Local (PEL), oferta un programa formativo de Salvamento Acuático dirixido á obtención da dobre titulación correspondente aos certificados de profesionalidade de Socorrismo en espazos acuáticos naturais e Socorrismo en instalacións acuáticas. O Concello de Ribeira informou de que xa están abertas as inscricións no Servizo de Orientación Laboral local.

A formación teórico-práctica realizarase no Centro de Formación de Cruz Vermella na cidade de A Coruña e as prácticas profesionais non laborais, en praias de concellos da provincia. Primeiro desenvolverase a formación en espazos naturais con data de inicio prevista para mediados de febreiro e logo da tempada de praias, previsiblemente a finais de setembro, desenvolverase a formación en instalacións acuáticas.

Requisitos das persoas candidatas:

• Estar inscritas na Oficina de Emprego e coa tarxeta de demandante de emprego vixente á data do prazo de inscrición.

• Ter cumpridos os 18 anos de idade no momento da inscrición.

• Estar empadroadas nalgún dos concellos da provincia da Coruña.

• Estar en posesión dos requisitos formativos para cursar a formación correspondente a certificados de profesionalidade nivel 2: Graduado en ESO ou titulación superior, FP básica, FP1, ciclo grao medio, competencias clave nivel 2, certificado de profesionalidade de nivel 1 da mesma familia e área profesional, certificado de profesionalidade de nivel 2, proba de acceso a ciclos, 2º BUP con 2 materias pendentes, entre outros.

• Condicións físicas: carencia de afeccións crónicas e doenzas infectocontaxiosas. Integridade física, resistencia, forza, destreza, coordinación visomotriz, axilidade, rapidez de reflexos.

Prazo e lugar de preinscrición:

Ata o 4 de febreiro ás 14:30 horas, no Servizo de Orientación Laboral do Concello de Ribeira (Lugar de Fafián, 29 – 15960 Ribeira (Viveiro de Empresas).

O envío de candidaturas realizarase por orde de entrada das solicitudes.

Outros artigos

O Concello de Ribeira reforza o alumeado público na rúa de Galicia

O Concello de Ribeira informou dun reforzamento do alumeado público nalgunhas contornas do centro urbano da cidade, concretamente no treito da rúa Galicia comprendido entre o Mercado Municipal e o cruzamento co Parque García Bayón. Segundo informaron fontes do...

+

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...