A Asociación Cultural Barbantia informou de que vai celebrar a súa vindeira asemblea xeral ordinaria o 29 de xaneiro no Auditorio de Rianxo, a partir das 17.30 horas (en primeira convocatoria).
Segundo explica a entidade, será preciso cumprir de xeito estrita con todas as normas preventivas contra a COVID-19. Así, é necesario que confirmemos a reserva no correo barbantia@barbantia.es, e facelo antes do 27 de xaneiro. Deberase indicar, de todas as persoas para quen se solicita, nome completo, teléfono de contacto. e se son ou non convivintes.
Este mesmo día, ás 19.00 horas (logo da segunda das convocatorias programas ás 18.30 horas), desenvolverase no mesmo escenario o acto de presentación do suplemento cultural número 171 de A Voz de Barbantia.
Amais, darase a coñecer o libro Aproximacións a Manoel Antonio, de Xosé Luís Axeitos, coa participación de María Xesús Blanco, vicepresidenta da A. C. Barbantia, Roberto Abuín, Axóuxere Editora e Adolfo Muíños, alcalde de Rianxo.
As actividades complementaranse cunha intervención plástica a cargo de Xosé Luís Veiras Manteiga. A apertura e o peche musical do evento correrá a cargo de Miriam Pardal Figueiro (trompa) e Félix Iago Rodríguez Ramos (bombardino), da Escola de Música de Rianxo.
Esta cita do 29 de xaneiro no Auditorio de Rianxo enmárcase no programa Actos Castelao 2021 que organiza o Concello de Rianxo.
