A Asociación José Afonso – Galiza instalou onte a exposición José Afonso, Geografias de uma vida no Cuartel Vello de Rianxo, que poderá visitarse de maneira gratuíta. Do mesmo xeito, a organización celebrará un concerto este domingo, 13 de decembro, ás 12: 00 horas. Os músicos Tiago Fernandes e Jasper, interpretarán os temas de José Afonso. Este evento realizarase de forma presencial e a través de Internet, vía streaming.
Todo isto e máis aparece reflectido na programación Abril em Dezembro, na que colaboran a Deputación de A Coruña e o Concello de Rianxo conxuntamente. As persoas que queiran acudir, tanto á exposición como ó concerto, deberán rexistrarse na web www.aja.gal ou enviar un correo electrónico a info@aja.gal.
