Estes días de Nadal non descansa en Porto do Son o servizo municipal de Punto Limpo Móbil, unha instalación coa que o Concello busca implicar a poboación de todas as parroquias na correcta xestión dos refugallos domésticos que non teñen cabida nos contedores convencionais, ao tempo que se tenta pór freo á estendida práctica de carrexar enseres de toda índole e depositalos en lugares non habilitados. O Concello fai saber que o Punto Limpo Móbil estará estes días en Queiruga, até o 8 de xaneiro.
Como lembraremos, trátase dunha instalación municipal de balde onde se poden deixar residuos perigosos para o medio ambiente. Por exemplo, lámpadas, material informático, equipos de impresoras, pilas e baterías, pneumáticos de pequeno tamaño, electrodomésticos, etc.
