O brote de covid rexistrado no Concello de Ribeira afectou ao alcalde Manuel Ruiz Rivas, que deu positivo na proba PCR. O mandatario comunicou aos distintos grupos políticos do municipio que se contaxiou e que non poderá presidir o pleno que se celebrará o luns, debido a que ten que gardar unha corentena de polo menos dez días e logo repetir as probas para ver se superou a enfermidade. Hai uns días o positivo de dous empregados do concello incluso obrigou o peche do consistorio ribeirense.
O rexidor informou que se atopa ben de saúde e que apenas ten síntomas, insisteu en que todos os veciños deben de extremar as precaucións, gardar as distancias de seguridade e utilizar sempre máscara para tentar frear a expansión do virus. Lembra que desde o pasado 15 de decembro Ribeira está pechada debido ao aumento de casos da Covid.