En Rianxo citados por Sanidade 2.900 veciños de 55 a 75 anos para facerse a PCR


Sanidade está a realizar un novo cribado entre os veciños de Rianxo, municipio que desde a pasada medianoite se atopa pechado perimetralmente e co nivel máximo de restricións tal como informamos en O Barbanza. Están a ser citadas para facerse a PCR 2.900 persoas. O grupo de poboación chamado é a dos veciños de 55 a 75 anos de idade, que teñen que desprazarse ao hospital de Barbanza para a toma de mostras para a PCR.

As persoas seleccionadas reciben un SMS no seu móbil cun código QR para a súa identificación e a hora á que deben acudir ao complexo sanitario. A previsión de Sanidade é completar o cribado entre as xornadas deste mércores e o xoves.