O Auditorio de Ribeira vai acoller este mes, os días 23, 25, 29 e 30 de setembro, un obradoiro de empoderamento feminino, creatividade e desenvolvemento persoal. Titúlase Eu son, xuntas creamos: auto expresión e arte para mulleres e desenvólvese en horario de 10.00 a 14.00 horas.
Trátase dunha acción promovida polo CIM de Ribeira con financiamento da Xunta de Galicia a través da Secretaría Xeral da Igualdade, con fondos europeos. Participan dez alumnas.
Ademais, como complemento, o 25 de setembro haberá unha charla sobre igualdade e prevención de violencia de xénero aberta a quen desexe asistir (ata máximo de aforo). Celebrarase no Centro Cultural Lustres Rivas ás 19 horas.
