Este xoves 13 de agosto levarase a cabo unha sesión de formación grupal sobre a plataforma de venta por Internet ‘Ribeira Store’ a aqueles negocios xa adheridos que estean interesados en sacarlle o máximo rendemento ao market place.
Esta sesión, que é gratuíta, terá lugar de maneira telemática a través
do enlace https://meet.google.com/fhg-ikax-eyg. Arrancará ás 20.30
horas. Aquelas persoas que desexen participar na actividade só
teñen que enviar un e-mail a soporte@ribeirastore.com.
Cómpre destacar que segue medrando o número de inscritos a xa
son a día de hoxe 109 os negocios adheridos a unha plataforma que
pretende servir de elemento potenciador do noso tecido comercial ao
tempo que contrarrestar mediante as novas tecnoloxías os efectos da
pandemia.
As empresas ribeirenses que aínda non o fixeron teñen a oportunidade de sumarse gratuítamente a esta plataforma cubrindo o formulario da páxina ribeirastore.com denominada ‘Registro de Comercios’.
