Disparanse os casos da Covid-19 na área Santiago- Barbanza con 158 novos positivos, son xa 212. Galicia chega a 2.306

A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 2.306 deles 1.207 son da área da Coruña, 304 da de Lugo, 203 da de Ourense, 120 da de Pontevedra, 154 da área de Vigo, 212 da de Santiago, e 106 da de Ferrol. Do total de pacientes positivos, 10 están en UCI, 66 en unidades de hospitalización e 2.230 no domicilio. Polo de agora, en Galicia hai un total de 11.889 persoas curadas, rexistrándose 632 falecementos.  O número de PCR realizadas é de 302.859.

A área compostelá, con 39 casos menos, é a área galega que máis sobe, só superada pola herculina, que con 40 casos volve ser a área que encabeza o ascenso de casos en Galicia.

Na área Santiago-Barbanza este ascenso é consecuencia dos positivos detectados e vinculados ao brote de Melide No que onte eran 21 as persoas que deran positivo, e os novos brotes declarados en Muros e Santa Comba dos que xa informamos onte en O Barbanza. Salientar que o cribado que se está realizando na área sanitaria está a facer que aparezcan novos casos.

Hoxe os datos do SERGAS indican de novo que a realización de test aumentaron. En só dous días pasouse do 1.678 test anunciados o martes aos 4.331 de onte, cifra récord nas últimas semanas.