Quico Cadaval recibirá o Premio Xiria ao Labor Teatral

08 Xullo 2020

A organización da XXXVII Mostra Internacional de Teatro Cómico e Festivo de Cangas decidiu conceder o Premio Xiria ao Labor Teatral 2020 ao autor, director, actor e narrador Quico Cadaval (1960, Carreira, Ribeira). O galardón seralle entregado pola súa “inesgotábel creatividade, da que destaca a súa arte, única e xenial, na narración oral, capaz de conxugar o imaxinario colectivo galego co universal” O xurado tamén salienta o “dominio asombroso da lingua, tanto popular, culta como musical” do que fai gala o autor carreirán, que tamén destaca pola súa capacidade para transmitir “valores, cultura, espazos, historias e Historia, cunha narrativa, cuasi shakespeariana”.

O Premio Xiria ao Labor teatral nace no ano 1987 e ten como obxectivo o recoñecemento das persoas, organizacións, entidades públicas ou privadas que demostrasen ao longo da súa traxectoria profesional un traballo teatral que, dun xeito ou outro, deixase pegada nas Artes Escénicas de Galicia.

O galardón consiste nunha escultura de aluminio deseñada polo artista plástico Manuel Lareo a partir do logotipo creado para a MITCF polo pintor Manuel Pizcueta.

Nas anteriores edicións foron recoñecidos Monicreques de Kukas, Mabel Rivera, Candido Pazó, o Grupo Chévere, Luma Gómez, Etelvino Vázquez, Frigoríficos del Morrazo, a Escola de Teatro de Narón, Ana Romaní ou Juan Cejudo.

Outros artigos

Falece unha ribeirense de 50 anos atopada no chan da súa casa

Unha muller de 50 anos, cuxa identidade responde as iniciais T.M.M., faleceu esta noite na súa casa da céntrica Rúa Méndez Núñez, de Ribeira. Segundo informa o Diario de Arousa , foi a súa parella a que ao redor das oito do serán chamou o 112 para comunicar que non...

+

Publicidade

Revista en papel

Opinión

“Oporto”. Alberto Barciela

“Oporto”. Alberto Barciela

Oporto puede seguirse en el sentido serpenteante de un río, o en la vertical de un océano, ascenderse o descenderse por meandros encajados en calles que a veces semejan acantilados, que siempre se precipitan hacia agua, una urbe universal cerca del tiempo que le tocó...