Pablo Arangüena: “O turismo hai que fomentalo máis alá do Camiño de Santiago, a costa galega está sen aproveitar e sen ordenar a nivel turístico”

09 Xullo 2020

Os socialistas galegos fan fincapé na riqueza da nosa costa, pero tamén na necesidade de conservala e potenciala, dun xeito ordenado e sustentábel. Pablo Arangüena, cabeza de lista do PSdG-PSOE pola provincia da Coruña, aposta por unha política industrial diametralmente aposta á da Xunta e que compense a caída económica que se vai producir.

-Dende O Barbanza interésanos moito, e aos nosos lectores tamén, coñecer os plans xenéricos do seu partido para a comarca en relación ás vindeiras eleccións autonómicas, convocadas finalmente este verán. Cales son os estes plans a nivel comarcal? E a nivel provincial?

-Con independencia das necesidades de cada localidade, o Barbanza ten que poñer en valor os seus recursos e mellorar con carácter xeral as súas comunicacións, así como dedicar recursos comúns (a nivel autonómico) a fomentar o turismo, singularmente o costeiro, dado que temos unha das costas máis ricas e variadas, pero temos que conservala e ordenala, non permitir a masificación ilimitada e desordenada. Impulsaremos a economía azul con decisión, creando un fondo autonómico a tal efecto. A nivel provincial, tamén é importante mellorar as comunicacións pero resulta igual de importante unha política industrial que compense a caída económica que se vai producir. Máis que nunca necesitamos a política industrial que a Xunta non fixo nos últimos 11 anos, así como engancharnos a transición ecolóxica xusta e ós fondos europeos que vai presupostar Europa.

-Estamos a vivir tempos complexos dende moitos puntos de vista, non só sanitarios senón tamén económicos, sociais, culturais, etc. Esta situación ten que influír por forza nos programas dos partidos. Cal sería a proposta da súa agrupación para contrarrestar, nos nosos concellos, os efectos da chamada COVID-19?

-O PSdeG foi o primeiro en propoñer para Ribeira un Plan de Acción para recuperar a actividade social e económica no municipio. Este Plan foi tomado en consideración polo Goberno municipal e tras varias reunións e achegas da maior parte dos grupos políticos, tanto os que temos representación na Corporación como aqueles que non a teñen, os axentes sociais, as asociacións cívicas e a Asociación de Empresarios, chegouse á redacción do Plan Reactiva Ribeira que foi asinado e se está levando a cabo, tras ser incluído nas Orzamentos do Ano 2020, o que lle deu un soporte económico para poder executalo.

-Cales son, a nivel económico, os puntos fortes dos nosos concellos para paliar os efectos da pandemia, o parón produtivo e o desemprego? Por que sectores habería que actuar de inmediato? O mar? As renovábeis? As novas tecnoloxías? O turismo? A cultura?

-Os nosos concellos teñen recursos na súa costa, e lembremos que Galicia é a comunidade con máis quilómetros de costa de España, o cal impón fomentar a chamada economía azul, cousa que está con forza no noso programa, pero tamén no seu sector forestal, e lembremos que Galicia é a primeira potencia forestal de España –lamentablemente desaproveitada por falta de política industrial- e ten un gran potencial en enerxías renovables. O turismo hai que fomentalo máis alá do Camiño de Santiago, a costa galega está sen aproveitar e sen ordenar a nivel turístico, o principio é “ti vai facendo” e iso xa non basta. Temos praias, faros, naufraxios, pesca recreativa, o potencial é enorme pero hai que apoialo.

-O paro medrou en Barbanza e noutras moitas comarcas galegas. Que facer para poñerlle freo?

-Necesitamos unha política industrial que non fixo o PP de Galicia nos últimos 11 anos a pesar de ter competencia e orzamentos para elo. Reformar o IGAPE para convertelo nun instrumento de política económica e industrial e non nun organismo que se dedica exclusivamente a repartir subvencións entre os “amiguetes”. Necesitamos focalizar os recursos públicos na actividade produtiva e para iso hai que definir os sectores estratéxicos e non dar subvencións sen xeito e en función do mero favoritismo. Necesitamos tamén unha aposta decidida pola economía azul, antes mencionada, e unha aposta pola economía verde asociada á transición ecolóxica xusta.

-As organizacións tamén advirten dun incremento dos desafiuzamentos e da xente sen fogar. Cal sería a súa proposta para loitar contra esta lacra?

O Goberno central prohibiu os desafiuzamentos durante a crise e hai en marcha iniciativas lexislativas para mellorar a posición dos hipotecados e a seguridade xurídica dos arrendamentos protexendo especialmente a parte máis débil.

-Que bota en falta vostede nas actuais estratexias políticas autonómicas e locais?

-A nivel local, unha ausencia de estratexia en Ribeira que se ven denunciando desde hai moitos anos. A nivel autonómico, falta unha estratexia de país para enfocar integralmente os problemas, non en función dos compartimentos estancos dos distintos departamentos autonómicos, a miúdo facendo cousas enfrontadas pero máis a miúdo non facendo nada. A Xunta é hoxe un mastodonte burocrático ineficiente que en troques de dinamizar e colaborar coa sociedade civil e co mundo empresarial, dificulta.

Outros artigos

Ribeira celebrou unha multitudinaria misa en honra de Santa Uxía

A veciñanza da cidade correspondeu coa súa multitudinaria presenza na misa na honra da Santa Uxía que ás 12 do mediodía de hoxe ocupou por completo o adro da igrexa e a praza da Porta do Sol nun recinto disposto con cadeiras para cumprir coa normativa anticovid. A...

+

Publicidade

Revista en papel

Opinión

“A Folla seca”. Antón Luaces

“A Folla seca”. Antón Luaces

Aprendendo da vida (III) --------------------------------- Aquela prostitución existente na Galicia do derradeiro terzo do século XX non é máis ca unha lembranza ingrata. Os bares de alterne daquela época están pechados. Na actualidade, o que foi o seu exercicio ten...

“España no va como un cohete”. José Castro López

“España no va como un cohete”. José Castro López

La Comisión Europea eleva al 2,1 por cien el crecimiento del Producto Interior Bruto(PIB) en 2024, cuatro décimas por encima de pronósticos anteriores, prevé que Españacumplirá el objetivo del 3 por cien del déficit que exigen las reglas fiscales, espera quecontinúe...