Os socialistas corroboran en Ribeira o seu “compromiso co mar”

Logo da súa visita a Noia, o cabeza de lista do PSdeG por A Coruña, Pablo Arangǘena, proseguiu pola costa do Barbanza o seu periplo electoral e fixo unha recalada en Ribeira, onde se reuniu cos militantes e debullou os principais desafíos sociais, económicos e medio ambientais do concello, poñendo o foco no mar e na necesidade de blindar o sector. De feito, aproveitou a súa visita a Ribeira para debater cos confrarías do concello, mostrándolles o seu compromiso coa pesca.

Arangüena mantivo este encontro xunto coa deputada no Congreso Pilar Cancela e o eurodeputado Nicolás González Casares.

O candidato socialista fixo fincapé “no grave problema de contaminación das rías galegas”, que cualificou de “atentado ecolóxico e económico”. Amais, debullou a proposta de goberno dos socialistas, que inclúe un plan integral de saneamento das rías e ríos de Galicia, que se insire na política “de rexeneración e posta en valor do patrimonio natural e a biodiversidade e na liña dunha nova economía verde e azul”.

Arangüena, xunto coa parlamentaria no Congreso Pilar Cancela e o eurodeputado Nicolás González Casares, salientaron “a defensa da pesca e da costa galegas tanto en Madrid coma en Bruxelas, como corresponde cun sector enormemente estratéxico para Galicia, que está infrautilizado porque o seu potencial vese mermado pola pasividade da Administración ante a contaminación”.