Para as persoas que non tiveron ocasión de facerse este 11 de xullo coa sudadera oficial da LXXII Sinjladura da Festa da Dorna, dicirlles que este vindeiro sábado, 18 de xullo, van ter unha nova oportunidade de vestirse coa prenda oficial desta edición da festividade tan particular, a edición COVID, que pasará á historia por non ter programa de actividades ao uso (a Cofradía tomou a decisión de cancelalas para non poñer en risco sanitario ás dorneiras e dorneiros).
O novo punto de venda de suadoiros (no que será obrigatorio manter a distancia de seguridade e usar máscara de protección) estará desta volta no espazo que ocupaba o palco de pedra no Malecón, a partir das 10.33 horas. Os prezos serán os seguintes: 18 euros para sosias e sosios e 21 para jodechinchos. Ao igual que no posto de distribución habilitado na praza de España este pasado sábado, no Malecón a Cofradía procederá a “desparasitar e sulfatar a contorna con asidobórico de Pepe de Adelino”.
