Este martes chega o circo urbano á Pobra da man da Compañía Mónica Paradela

20 Xullo 2020

O Cantón da Leña da Pobra do Caramiñal vaise converter nun gran circo urbano este martes 21 de xullo a partir das 20.30 horas, da man da Compañía Mónica Paradela e do seu espectáculo Monitoleando. Precisamente o obxectivo da agrupación é sacar das carpas de dos recintos tradicionais os elementos e actividades propias do circo (clown, acrobacias, números de lume, malabares, percusión, danza) para poñelos a pé de rúa, á altura dos ollos do público, que terá oportunidade de participar directamente na actuación.

En palabras da compañía, estamos ante un espectáculo para todos os públicos que mestura comedia, circo e danza e que dá como resultado “unha divertida procura do tesouro por medio de actividades nas que o público é fundamental para conseguir o obxectivo”.

Organiza a Concellaría de Cultura da Pobra do Caramiñal en colaboración coa Rede Cultural da Deputación da Coruña.

A Concellería aproveita a ocasión para comunicar un cambio de datas, por causas alleas á organización: o espectáculo de Charo Pita, A Familia Papaventos, prevista para o xoves 30 de xullo, celebrarase finalmente o 11 de agosto.

Polo que respecta á actuación de Inventi Teatro, A gran viaxe, levarase a cabo o día 30 deste mes.

Outros artigos

CONGALSA recolle o Premio á Empresa do Ano

A empresa CONGALSA, con sede principal na Pobra do Caramiñal e centrada no ámbito da alimentación baseada en produtos pesqueiros, amais de ser un referente en innovación, transformación e responsabilidade social empresarial, vén de recoller o Premio de Empresa do Ano....

+

Publicidade

Revista en papel

Opinión