A Deputación da Coruña deu a coñecer este luns 1 de xuño a contía destinada a limpar os areais da provincia: 900.00 euros. As accións de posta a punto levaranse a cabo en 40 concellos, incluídos todos os de Barbanza, e achegarán cobertura para a contratación do persoal das brigadas e para a adquisición de material, vestiario e combustíbel. Segundo informa a entidade provincial, o programa, unido á contratación de socorristas, suporá a creación de 300 empresas na provincia durante a época estival.
A subvención para a creación destas brigadas de limpeza ten unha duración máxima de tres meses, que deberán estar comprendidos na época estival. A cantidade asignada para o concello de Boiro será de 26.274,37 euros, a de Ribeira de 28.517,31 euros, a de Pobra de 24.031,44 euros, a de Noia de 20.480,44 euros, a de Rianxo de 22.749,76 euros, e a de Porto do Son de 30.439,82 euros.
