O TSXG confirma a prisión permanente revisábel para o autor do asasinato de Diana Quer

19 Xuño 2020

A Sala do Civil e Penal do TSXG vén de desestimar o recurso interposto contra a sentenza que, de acordo co veredicto do xurado, condenou ao autor da morte de Diana Quer, o rianxeiro José Enrique Abuín Gey, á pena de prisión permanente revisábel e a dez anos de liberdade vixiada polo asasinato da moza madrileña.

O Tribunal Superior de Xustiza de Galicia subliña na sentenza que “non existe dúbida algunha” da realidade duns feitos que foron “debidamente acreditados” na sentenza de primeira instancia da sección sexta da Audiencia Provincial da Coruña, con sede en Santiago,

O TSXG sostén que na sentenza que “non existen datos obxectivos” que indiquen, “tal e como alega a parte recorrente”, que o xurado se comportase “de maneira allea ás esixencias de imparcialidade” ou de que non basease a súa decisión “sobre as premisas que deriven, exclusivamente, daquilo que aconteceu no plenario”.

En canto ás alegacións sobre a falta de rigor e obxectividade dos médicos forenses, dos axentes da Garda Civil e dos peritos informáticos, o Superior sinala que “o que realmente está a cuestionar a parte recorrente non é outra cousa que a valoración da proba efectuada polo tribunal”. Ademais, sobre o ilícito das dilixencias policiais ás que fai referencia a parte recorrente, o TSXG lembra que “esas cuestións previas xa foron formuladas pola defensa e resoltas polo maxistrado presidente nun auto que non foi recorrido”.

Outros artigos

O novo Auditorio de Ribeira abrirá o sábado 1 de xuño

O novo Auditorio Municipal de Ribeira abrirá as súas portas o sábado 1 de xuño e para celebrar a súa apertura, a Concellería de Cultura está a organizar unha programación especial que se estenderá ao longo de todo o mes. Esta coincidirá co "Xuño dá Cultura e as...

+

Publicidade

Revista en papel

Opinión

“A vivenda” – José Manuel Pena

“A vivenda” – José Manuel Pena

É un ben de mercado para o negocio particular ou un dereito básico, fundamental e humano, como pode ser a educación, a sanidade, a prestación por desemprego ou a xubilación? A vivenda, en Galicia e no resto de España, continúa sendo un negocio e un ben de...