O Concello da Pobra vén de despexar dúbidas sobre o uso dos contedores de roupa durante estes tempos de desescalada, clarificando conceptos sobre que tipo de acubillos seguen operativos e cales non. Segundo informa, durante este tempo de crise sanitaria e até novo aviso, os contedores da organización Humana (os contedores verdes) estarán fóra de servizo, polo que non poden ser usados pola cidadanía.
O Concello lembra que o servizo de recollida deste material na Pobra está repartido entre tres entidades: Texlimca, con contedores situados no centro urbano (azuis), Humana (contedores verdes) e Cáritas (contedores vermellos), que os sitúan na periferia do centro urbano e na zona rural. Destes, os que si que continúan operativos son os recipientes de Cáritas (vermellos) e da Texlimca (azuis).
