O IES da Pobra vén de obter un novo e importante recoñecemento no campionato internacional de escaneado 3D de precisión con dispositivos móbiles, convocado polo grupo de investigación CIGEO da Universidade de Santiago: a liga D3Mobile Metrology World League. Estamos a falar do premio ao mellor equipo de mozos metrólogos galegos, outorgado pola Xunta de Galicia, que foi parar, por terceiro ano consecutivo, ao IES da Pobra do Caramiñal.
Así, o equipo coordinado pola profesora Margarita Saborido Ojea e formado polos alumnos Iris Moledo Muñiz, Noelia Linares Boo e Pablo Pérez Noceda, acadaron este galardón logo de escanear unha lata de conservas.
A liga D3Mobile Metrology World League é o campionato científico de escaneado 3D convocado polo grupo de investigación CIGEO da Universidade de Santiago, que conta con financiamento da Xunta, a Deputación e o Concello de Lugo, a Sociedade Internacional de Fotogrametría e Teledetección e a Agrupación Estratéxica de Investigación do Campus Terra da USC Biorrecursos: Desenvolvemento e Produción Sustentable (BioReDes).