A empresa CONGALSA continúa na desescalada comprometida coa sociedade e co avance empresarial, unha vertente solidaria que se remonta á pandemia e que moito antes xa formaba parte do ADN da firma pobrense de produtos do mar. Este espírito reflectiuse no apoio de CONGALSA á campaña #EstoNoTieneQueParar, que agrupaba a máis de 3.000 empresas, autónomos e traballadores dos máis diversos sectores produtivos, e volve reflectirse agora coa participación da firma alimentaria na iniciativa #EactíVate, que dá continuidade á devandita campaña, e que se dirixe a retomar o pulso cotián empresarial mediante a innovación e a colaboración dos distintos axentes implicados.
Segundo informa CONGALSA, #EActívate inclúe información útil para os distintos axentes empresariais, falando, por unha banda, de casos de empresas que volveron á actividade, e achegando, pola outra, consellos útiles para a reivención. A maiores, sinala a empresa da Pobra, “é un bo escaparate para promover a actividade dunha compañía entre outros profesionais”.
Co apoio a estas iniciativas, CONGALSA reafirma a súa arela de mellorar día a día, “achegando produtos alimenticios de calidade”, e mantendo “a actividade grazas ao esforzo de todos os empregados de CONGALSA, dando novos pasos na nosa política de innovación e expansión”.
