Barbantia, Laiovento e Rianxo renden homenaxe ás mulleres silenciadas coa presentación de Irmandiñas, de Aurora Marco

17 Xuño 2020

A Sala Arcos Moldes do Auditorio de Rianxo acolle este venres 19, ás 20.30 horas, a presentación do libro Irmandiñas de Aurora Marco, publicado pola editorial Laiovento. O acto, organizado pola Asociación Barbantia, Laiovento e o Concello, estaba previsto para o mes de marzo na mesma localidade e no mesmo emprazamento, pero tivo que ser adiado por mor da pandemia e o Estado de Alarma, unha situación ante a cal os Concellos non queren baixar a garda, de aí que o de Rianxo reducise, ante a presentación do libro e outras actividades culturais vindeiras, a capacidade da sala e establecese a necesidade de reservar localidades. Deberá facerse a través de auditorio@concelloderianxo.gal ​​​​​​​ou no teléfono 664 183 217 (de luns a venres de 09.00 a 14.00 horas).

O acto de presentación contará coa presenza da autora e tamén do alcalde rianxeiro, Adolfo Muíños, a profesora e membro de Barbantia Encarna Pego, e o historiador local e membro de Barbantia Xesús Santos.

Polo que respecta ao libro Irmandiñas, é unha reivindicación do labor de loita social, cultural e política despregado polas mulleres galegas na primeira metade do século XX, un labor silenciado pendente de recuperación e recoñecemento. A obra da escritora e investigadora Aurora Marco (Noguera de Albarracín, Teruel, 1948) é como dixemos unha importante contribución para devolver á luz o legado de mulleres galegas sobranceiras, como por exemplo Ermitas López Verdes, compañeira de Lois Peña Novo, primeiro concelleiro nacionalista e membro significado das Irmandades da Fala e da que, até hai ben pouco, pouco se sabía dela.

O labor de investigación da autora (que lle levou catro anos de intenso traballo) levouna a coñecer as importantes contribucións vitais, culturais e sociais de grandes loitadoras como Concepción González Varela e Adela Martínez, ou as rianxeiras Juana Muñiz e Carmen Sende, as dúas de Asados. Ás devanditas cómpre sumar (entre outras moitas) os nomes de Amalia Álvarez Gallego, da Sociedade Polifónica de Pontevedra, viúva de Alexandre Bóveda; ou Elvira Bao, que estivo en Santiago, nos tempos históricos das Irmandades, dando un mitin a carón de Villar Ponte, en igualdade de condicións (e, malia todo, só o nome del acabou figurando nas informacións elaboradas polos medios da época, o dela nunca); ou Celia Bouzas e Mercedes do Campo, precursoras do galeguismo e do feminismo, avanzadas ao seu tempo.

Outros artigos

Rosana Pérez reclama máis solo industrial na comarca do Barbanza

A deputada do BNG Rosana Pérez vén reclamar no Parlamento máis superficie industrial para O Barbanza, ao tempo que lembrou a “escaseza clamorosa” de solo empresarial en Barbanza Arousa, onde os catro parques empresariais existentes (Ribeira, A Pobra, Boiro e Rianxo)...

+

Publicidade

Revista en papel

Opinión

“España no va como un cohete”. José Castro López

“España no va como un cohete”. José Castro López

La Comisión Europea eleva al 2,1 por cien el crecimiento del Producto Interior Bruto(PIB) en 2024, cuatro décimas por encima de pronósticos anteriores, prevé que Españacumplirá el objetivo del 3 por cien del déficit que exigen las reglas fiscales, espera quecontinúe...