Os socialistas de Ribeira presentan un plan de contratación para fortalecer as medidas locais de reactivación económica

02 Maio 2020

O Grupo Municipal do PSdeG-PSOE de Ribeira reforzou estes días o seu compromiso pola reactivación de Ribeira, ante as graves consecuencias que está a ter (e terá) a pandemia para sectores tan vulnerábeis como o comercio de proximidade ou o turismo, entre outros. Con este obxectivo presentou un Plan de Contratación 2020, achegado ao equipo de Goberno local como complemento ao Plan de Dinamización Comercial para Ribeira proposta hai dúas semanas. Os socialistas queren que o Plan de Contratación sexa valorado para a súa posíbel inclusión no Plan Marco de Medidas de Reactivación de Ribeira, EuRibeira, “co obxectivo común de reactivar economicamente a nosa sociedade, tralos problemas que está a ocasionar a crise sanitaria”.

O grupo de coordina José Vilas lembra que se trata “dunha ferramenta que lle permitirá ao Goberno local artellar medidas para aliviar e minimizar o escenario económico que se prevé unha vez que se inicie o desconfinamento en que nos atopamos desde o pasado 14 de marzo, e aos demais grupos políticos da corporación fiscalizar o correcto cumprimento das medidas adoptadas”.

O plan acabado de presentar polos socialistas de Ribeira catro eixos fundamentais:

– Imaxe de cidade

– Inicio de accións de dinamización comercial e hostaleira.

– Accións para o aumento da relación entre consumidor e comercio.

– Iniciativas destinadas ao financiamento das empresas.

Ribeira Solidaria

O PSOE local considera que o investimento municipal, de urxencia, “debe ir polo camiño da creación dunha Ribeira Solidaria (co conseguinte aumento dos programas e partidas sociais), e axudas dirixidas aos sectores económicos máis prexudicados, como a hostalería, as PEME, ou o comercio de proximidade”.

Acordo de todos os grupos

A agrupación engade que é un plan que “debería ser froito do acordo de tódolos grupos políticos representados, e debe estar incluído dentro dos Orzamentos 2020”, polo que solicitan ao Executivo ribeirense que “proceda a calcular a cifra que se destinaría a súa realización, para poder ter, agora mais que nunca, estes datos necesarios para poder ter una visión clara do proxecto da economía municipal.”

Axuda á planificación

O PSdeG-PSOE de Ribeira cree que a redacción deste documento “axudaría a planificar a reactivación económica da cidade”, ao tempo que contribuiría a mostrar ante os operadores económicos as necesidades institucionais que pretenden cubrirse mediante estes contratos, para “deste xeito”, poder “estudar e preparar as ofertas correspondentes”.

Ademais, engaden, reduciranse os prazos para presentar ofertas, especialmente nos contratos suxeitos a regulación harmonizada. “A redución de prazos servirá tamén para acurtar o prazo medio de pago aos provedores”, explican.

Outros artigos

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...