Montescola e as Brigadas Deseucaliptizadoras celebran as Letras con 110 carballos en Froxán, Lousame

18 Maio 2020

Malia as complexidades destas datas, as nosas entidades e organizacións, velando polo cumprimento da seguridade sanitaria, argallaron un completo programa de actividades arredor das Letras Galegas e Ricardo Carvalho Calero, o autor homenaxeado este ano. Algunhas das accións desenvolvidas na nosa comarca, como por exemplo a plantación masiva de carballos en Lousame, tiveron o valor de transcender o literario, o cultural e o lingüístico, converténdose en mensaxes de loita polas Letras e pola Terra, dous ámbitos tan estreitamente relacionados.

A iniciativa veu da man da Fundação Montescola e as Brigadas Deseucaliptizadoras de Verdegaia, con centro de operacións principal en Froxam (Lousame) pero cunha incidencia cada vez maior noutros puntos da xeografía galega.

As dúas entidades sinalan que dende que se soubo a identidade do autor homenaxeado nesta edición do 17 de maio, o ferrolán Ricardo Carvalho Calero, “tivemos claro que o nosso contributo tomaria a forma de plantações da árvore pola que é conhecido o homenageado: o carvalho”. Como resultado, e á espera da “plantação simultânea em lugares de todo o país adiada para o outono”, Montescola e Verdegaia non quixeron deixar pasar a oportunidade de plantar máis árbores autóctonas galegas en Froxán: “un total de 110 carvalhos, um por cado ano desde o nascimento do homenageado”. Para isto escolleron a “Área Conservada pola Comunidade Vizinhal de Frojám (Lousame), reconhecida pola ONU e berço das próprias Brigadas deseucaliptizadoras”.

A plantación realizouse este domingo 17 ao mediodía da man de veciñas, veciños, comuneiras e comuneiros do locais, e foi acompañada da lectura de textos de Carvalho Calero.

Outros artigos

O novo Auditorio de Ribeira abrirá o sábado 1 de xuño

O novo Auditorio Municipal de Ribeira abrirá as súas portas o sábado 1 de xuño e para celebrar a súa apertura, a Concellería de Cultura está a organizar unha programación especial que se estenderá ao longo de todo o mes. Esta coincidirá co "Xuño dá Cultura e as...

+

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...