España rexistrou este martes 35 falecidos máis por coronavirus Covid-19, unha cifra que reflicte unha caída no número de mortos diarios pola enfermidade, aínda que o total ascende en 283 polo reaxuste na notificación dos datos. Así mesmo, os novos contaxios son 194 nas últimas 24 horas, 62 máis que os que se contabilizaron o día antes. Este martes, o Ministerio de Sanidade elevou a 27.117 os mortos totais desde que comezou a pandemia en España. Son 283 máis que o luns a pesar de que Sanidade cifra os falecidos hoxe en 35.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 834, deles 207 son da área da Coruña, 58 da de Lugo, 121 da de Ourense, 36 da de Pontevedra, 250 da área de Vigo, 137 da de Santiago, e 25 da de Ferrol. Do total de pacientes positivos, 7 permanecen en UCI, 52 están en unidades de hospitalización e 775 no domicilio. Polo de agora, en Galicia hai un total de 9.764 persoas curadas, rexistrándose 614 falecementos.
Na zona sanitaria de Santiago- A Barbanza este martes 26 de maio hai 12 pacientes hospitalizados con COVID19: 10 en hospitalización convencional. No Clínico 8 e no hospital do Barbanza 2. Na UCI hai 2 pacientes no CHUS. Pacientes curados 1.555 e PCR realizados 19.752
