Son moitas as incertezas do Estado de Alarma en materia laboral, empresarial e económico, e son moitos os detalles que mudan con cada nova prórroga da crise sanitaria. Para clarificar dúbidas da cidadanía e achegar datos concretos sobre as medidas do Goberno central para loitar contra a pandemia, o Concello de Pobra do Caramiñal puxo en marcha no mes de marzo un servizo de atención dispoñíbel no teléfono de contacto 618 964 705 que achega cobertura por Whatsapp e que, por suposto, tamén atende chamadas.
O devandito servizo destínase a traballadores e traballadoras que poidan sufrir un Expediente de Regulación Temporal de Emprego (ERTE), familias con hipotecas ou autónomos “afectadas pola situación de alarma”. O Concello lembrou os días pasados que o horario de atención segue a ser o mesmo do mes de marzo: de luns a venres, de 10.00 a 14.00 e de 16.00 a 20.00 horas.
