A Área Santiago-Barbanza realizou tests a todos os residentes e profesionais dos 41 centros da zona

22 Abril 2020

A Área Sanitaria de Santiago-Barbanza vén de achegarnos un balance de actividades en relación coa loita directa contra o COVID-19. Segundo conta, xa realizou tests de diagnóstico de coronavirus a todos os residentes e profesionais dos 41 centros sociosanitarios da zona de influencia: 36 residencias e cinco centros de persoas con diversidades.

Amais, fixéronse preto de 4.000 mostras e detectáronse positivos en só 3 centros (dúas residencias de maiores e outra de persoas con diversidades: San Lázaro DomusVI, Jose Otero DomusVI e Amicos) onde “xa se adoptaran as actuacións precisas”, informaron fontes da Área, engadindo que estas cifras “confirman que as medidas preventivas adoptadas polos centros, en coordinación cola dirección da área compostelá foron as correctas”, subliña Beatriz Pais, subdirectora de Calidade e Atención ao doente da Área Sanitaria de Santiago de Compostela e Barbanza.

A Área tamén informou de que do total de análises nos centros sociosanitarios, “deron resultado positivo tan só no 2% dos traballadores e no 3% dos residentes”. Os equipos de enfermería da área compostelá encargados do cribado que se desprazaron aos centros comezaron a obter mostras o día 3 de abril e remataron este martes 21, rexistrando hoxe os últimos resultados. As mostras foron procesadas inicialmente no laboratorio de Microbioloxía do CHUVI e posteriormente no do CHUS.

Outros artigos

Ambar organiza unhas xornadas deemprego en Ribeira e Rianxo

A Asociación Ambar das Persoas con Diversidade Funcional organiza este mes de xuño unha actividade para romper barreiras en materia de emprego e igualdade: as Xornadas de Emprego dirixidas a mulleres con diversidade funcional. Desenvolveranse nos concellos de Ribeira...

+

Martes con sol e lixeira baixa das temperaturas

O martes o anticiclón retírase cara ao oeste, polo que se irá perdendo o réxime de ventos do nordés e entrarán ventos máis húmidos de compoñente oeste. Asi comezaremos a xornada cos ceos pouco nubrados ou despexados. A partir do mediodía entrarán as brétemas costeiras...

+

Publicidade

Revista en papel

Opinión

“Auditorio” – José Manuel Pena

“Auditorio” – José Manuel Pena

Xa é unha grata realidade, o novo auditorio. Ribeira, necesitaba un auditorio en condicións e adecuado ao seu número de habitantes e da importante poboación da propia comarca do Barbanza. Este pasado sábado chegouse a inaugurar oficialmente, coa presenza de diferentes...