A Asociación Francisco Lorenzo Mariño vén de poñer en marcha unha iniciativa coa que entreter ás crianzas e contribuír á concienciación para non propagar o coronavirus. A actividade consiste en que cada nena e neno faga na súa vivenda un debuxo co lema Eu quedo na casa ou Yo me quedo en casa para, posteriormente, colgalo nas redes sociais, whatsapp ou na fiestra ou porta de entrada ao seu fogar.
As persoas interesadas poden enviar as fotos con nome, apelidos e teléfono ao enderezo electrónico aflm.aguinho@gmail.com. Deste xeito, publicarán os debuxos no Facebook e, unha vez remate esta situación sanitaria, procederase co sorteo de tres lotes de libros infantís e un diploma entre tódolos participantes, facéndose a entrega o Día das Letras Galegas no Maio Cultural de Aguiño.
