Alumnado do IES Número 1 de Ribeira desprazouse esta mañá ata o Museo do Gravado de Artes para desenvolver algunhas das actividades enmarcadas na XVI Semana Cultural que celebra o centro educativo. Así, unha centena de estudantes tivo a oportunidade de achegarse á técnica do gravado. Primeiramente foi a quenda da clase de plástica de cuarto curso, participando nun obradoiro de gravado ao linóleo, desde as 09.30 ata as 13.30 horas. Mentres tanto, os de primeiro curso visitaron as instalacións e coñeceron as obras que alí se expoñen.
