O Concello da Pobra do Caramiñal vén de poñer en marcha un servizo de información sobre as medidas económicas adoptadas polo Goberno central debido á situación derivada do COVID-19.
Dito servizo destínase a traballadores e traballadoras que poidan sufrir un Expediente de Regulación Temporal de Emprego (ERTE), familias con hipotecas ou autónomos. As persoas interesadas poden escribir un whatsapp ao teléfono de contacto 618964705 ou directamente premendo na ligazón, ademais de atenderse chamadas.
O horario de atención establécese de luns a venres, de 10.00 a 14.00 e de 16.00 a 20.00 horas.
