Os socialistas de Ribeira requiren resolver a situación dunha fonte e parque infantil de Palmeira

O grupo municipal do PSdeG-PSOE ribeirense levará a pleno un rogo relativo ao estado da fonte e do parque infantil situados no paseo Plácido Betanzos, na parroquia de Palmeira.

Os socialistas manifestan que a referida fonte se atopa fóra de servizo, polo que “non cumpre co seu cometido.” Así mesmo, refírense ao “mal estado” do parque infantil.

Por todo isto, a formación solicita que se repare a avaría e se proceda cun labor de mantemento dos xogos instalados “para satisfacer con calidade as necesidades dos rapaces usuarios.”