Excéntricas culmina en Santiago con Medida x Medida as celebracións do seu 15 aniversario

20 Febreiro 2020

Producións Teatrais Excéntricas, a compañía na que milita Quico Cadaval, vai culminar esta semana as celebracións do seu 15 aniversario cunha nova representación de Medida x Medida, dirixida polo dramaturgo e contador de Carreira (Ribeira). Será con dúas funcións este venres 21 e o sábado 22 no Auditorio de Galicia a partir das 20.30 horas e ao remate da función do venres, haberá unha #posfuncion co equipo técnico e artístico e o público: unha sesión engadida para que o público poida conversar co equipo artístico e técnico do espectáculo.

As entradas, a 12€ (cos descontos habituais do 50%) poden mercarse en compostelacultura.gal, no despacho de billetes do Teatro Principal e os días de función no propio Auditorio de Galicia.

As celebracións do 15 aniversario de Excéntricas foron das a coñecer pola concelleira de Acción Cultural, acompañada do director do espectáculo Quico Cadaval; o director de AGADIC, Jacobo Sutil; e varios membros do elenco: Víctor Mosqueira, María Costas e.

Medida x Medida, unha adaptación da obra de William Shakespeare levada a cabo por Quico Cadaval, foi un dos grandes acontecementos teatrais galegos da tempada. Salienta entre outras moitas cousas, tal e como quedou manifesto ao seu paso por múltiples escenarios e certames de renome (como o FIOT de Carballo) por un punto de vista novo, xenuinamente noso, sobre o legado artístico de William Shakespeare: o punto de vista retranqueiro, espontáneo e irreverente de Quico Cadaval, que xa ten ás súas costas certa experiencia de deconstrución e reconstrución arredor da obra do escritor inglés (por exemplo a través da obra Shakespeare para ignorantes).

Outros artigos

Ambar organiza unhas xornadas deemprego en Ribeira e Rianxo

A Asociación Ambar das Persoas con Diversidade Funcional organiza este mes de xuño unha actividade para romper barreiras en materia de emprego e igualdade: as Xornadas de Emprego dirixidas a mulleres con diversidade funcional. Desenvolveranse nos concellos de Ribeira...

+

Martes con sol e lixeira baixa das temperaturas

O martes o anticiclón retírase cara ao oeste, polo que se irá perdendo o réxime de ventos do nordés e entrarán ventos máis húmidos de compoñente oeste. Asi comezaremos a xornada cos ceos pouco nubrados ou despexados. A partir do mediodía entrarán as brétemas costeiras...

+

Publicidade

Revista en papel

Opinión

“Auditorio” – José Manuel Pena

“Auditorio” – José Manuel Pena

Xa é unha grata realidade, o novo auditorio. Ribeira, necesitaba un auditorio en condicións e adecuado ao seu número de habitantes e da importante poboación da propia comarca do Barbanza. Este pasado sábado chegouse a inaugurar oficialmente, coa presenza de diferentes...