AMBAR festexou o Entroido con humor, música e baile

Cedida por AMBAR

As instalacións da Asociación AMBAR albergaron esta mañá a súa festa de Entroido. Unha celebración á que se sumaron familiares e amizades das persoas usuarias e que non lle faltou detalle, pois desfrutaron de música, baile e roscas propias das datas.

Así mesmo, tiveron lugar dúas actuacións. Por unha banda, O enterro da sardiña, unha peza escenificada polas persoas que asisten ao Centro de Día de AMBAR, mesturando baile e humor; e, pola outra, Colores, do grupo Ska-P, unha peza de baile que exemplifica valores tales coma a liberdade, autonomía e inclusión, posta en escena polo grupo de Autoxestores e de Artes Escénicas de AMBAR.