A Pobra cancela a inauguración da Casa da Mocidade pero mantén as restantes actividades para a veciñanza

27 Febreiro 2020

Os actos que marcan o inicio da actividade da Casa da Mocidade da Pobra do Caramiñal, este venres 28 de febreiro, veñen de sufrir variacións. Así, segundo informa o Concello, o acto de inauguración oficial do edificio, previsto para este venres ás 20.30 horas, tivo que ser cancelado por mor da necesidade de garantir a neutralidade pública ao abeiro da Lei Orgánica de Réxime Electoral e o período electoral autonómico. O que si que segue adiante serán as accións previstas de cariz menos institucional: por exemplo a xornada de portas abertas (a partir das 17.00 horas) para que as veciñas e veciños coñezan a nova infraestrutura, os seus servizos e os seus cometidos.

Estas actividades, segundo explica o Concello, desenvolveranse ao longo da tarde segundo o horario previsto, polo que “calquera persoa interesada poderá acceder ás instalacións e coñecer o seu funcionamento”.

O Goberno local pediu desculpas polas molestias que puido provocar a cancelación do acto, unha cita xa programada antes da convocatoria electoral, “cuxo adiante rematou por provocar esta incompatibilidade”.

Un dos grandes proxectos da tempada

A Casa da Mocidade é sen dúbida unha das grandes iniciativas deste primeiro ano do actual equipo de Goberno na Pobra. Está habilitada no primeiro andar do antigo restaurante O Lagar, edificio alugado polo Concello para uso sociocultural e cuxo andar baixo acubilla o espazo de coworking dispoñíbel desde o verán de 2017 cunha capacidade para acoller a dez emprendedores.

Trátase dun inmóbel de de 265’40 metros cadrados dividido en catro áreas principais: a multiusos de 108’80 metros, adicada ao ocio, actos culturais e calquera evento que poda deseñar e pensar a propia xuventude; a sala de traballo de 24’55 metros cadrados, que funciona tamén como aula de informática libre con Wi-Fi, e dúas zonas FabLab que albergan as ferramentas e a maquinaria relacionada coa fabricación e elaboración de materiais por parte dos usuarios.

O custe total da actuación ascendeu a 110.580’83 euros, dos cales a Asociación de Desenvolvemento Local Deloa subvencionou o 68’3%, correspondéndose con 75.526 euros.

Outros artigos

Publicidade

Revista en papel

Opinión

“Cuando los socios no apoyan al Gobierno”. Arturo Maneiro

“Cuando los socios no apoyan al Gobierno”. Arturo Maneiro

Cuando las materias que pretende conseguir o las normas quequiere aprobar no les favorece de forma clara -no sacan nada enlimpio, no hay más poder o más dinero-, los socios de investidurade Sánchez no lo apoyan; entonces, leña al PP.En estos casos, los ministros y...