O entorno da Casa Consistorial de Ribeira albergará ao longo desta semana unha exposición didáctica sobre os efectos do cambio climático. Promovida pola Xunta mediante a Dirección Xeral de Calidade e Ambiental e Cambio Climático, trátase dunha mostra de carácter itinerante na que a través de 17 paneis se explican todo tipo de cuestións relacionadas co cambio climático en Galicia, tales coma os custes ambientais que supoñen, os hábitos que a nivel doméstico é preciso mudar para facerlle fronte ou as políticas públicas a implantar.
A mostra será exhibida ata o vindeiro venres coa previsión de distribuíla tanto polo recibidor do Consistorio coma pola praza do Concello. En relación a este último espazo, hoxe resultou imposible colocala ao aire libre debido ao intenso vento.
