O partido Compromiso por Galicia celebrará o sábado 25, ás 10.30 horas, o seu primeiro Consello Nacional do 2020. A cidade escolleita foi Ribeira, concretamente no Liceo Marítimo.
Este non será o único acto do partido na comarca, pois ese mesmo día terá lugar no salón de actos do Cuartel Vello de Rianxo, ás 13.00 horas, un acto en memoria de Castelao, con motivo da conmemoración do setenta aniversario da súa morte. No transcurso desta cita, proxectarase un vídeo na memoria do escritor, político e artista rianxeiro.
A xornada rematará cun xantar de confraternidade no cámping de Rianxo, ás 14.00 horas.
