Aprobado o crédito extraordinario que permita a adquisición do local de O Lagar

31 Xaneiro 2020

A Pobra do Caramiñal celebrou na tarde de onte a sesión plenaria ordinaria correspondente ao mes de xaneiro. Tras a aprobación das actas anteriores correspondentes ao 7 e 28 de novembro de 2019, procedeuse a abordar o punto relativo ao crédito extraordinario 03/2019 que permita a adquisición do local do antigo restaurante O Lagar. A voceira do BNG, Amparo Cerecedo, manifestou que continúan sen dispoñer dos suficientes datos que avalen mercar ese espazo, engadindo que “non se debería ter invertido nun local que non era propiedade municipal, senón que era de alugueiro.” Pola súa parte, o portavoz do PP, Manuel Durán, cualificou a cantidade de información como “escasa.” A cuestión logrou saír adiante co respaldo de Nós Pobra e PSdeG-PSOE, absténdose PP e BNG.

De seguido, debateuse moción do BNG en demanda de limpeza de regos e cunetas das vías e estradas rurais, a cal foi aprobada por unanimidade. Así mesmo, levaron a pleno unha moción sobre a emigración que lles chegou a través de Vía Galega. A cuestión saíu adiante co apoio do BNG, Nós Pobra e PSdeG-PSOE, agás os votos en contra do PP. O grupo municipal nacionalista tamén levou unha moción para a mellora da sanidade pública que lles chegou a través de SOS Sanidade Pública, resultando aprobada cos votos favorables do BNG, Nós Pobra e PSdeG-PSOE, a pesar dos votos en contra do PP.

A continuación, tratouse a moción do PP sobre o establecemento dun Punto de Información Catastral (PIC), a cal foi aprobada por unanimidade. Ademais, os populares levaron a pleno unha moción relativa á utilización da antiga escola do Camiño Ancho como vivenda, saíndo adiante co respaldo do PP e BNG, a pesar dos votos en contra de Nós Pobra e PSdeG-PSOE. A última moción a abordar, da man do PP, en relación á falta de coidado, mantemento e supervisión do patrimonio do municipio pobrense resultou denegada co voto en contra do alcalde que desfixo o empate existente entre a favor do PP e en contra de Nós Pobra e PSdeG-PSOE, absténdose o BNG.

Outros artigos

Barbanza Arousa recibe as primeiras adhesións ao SICTED

A Mancomunidade Barbanza Arousa, en consonancia coa súa estratexia de colaboración público-privada, continúa este ano coa implantación do Sistema Integral de Calidade Turística en Destino, SICTED, entre os axentes turísticos do territorio. Nesta ocasión, a primeira...

+

Publicidade

Revista en papel

Opinión

“Celebrando a  Rosalía de Castro”. Antía Pereira

“Celebrando a Rosalía de Castro”. Antía Pereira

“Celebrando a Rosalía e o seu día celebramos o que nos une, o que nos representa e o que nos move. Poucas figuras concitan ó seu redor a unanimidade que convoca Rosalía. E iso en boa medida porque ela soubo tocar as cordas, unha a unha, aínda que fose de distinto...