A incorporación dun prospector e un orientador laboral marcan o inicio do Boiro Emprega

13 Xaneiro 2020

Arranca o programa integrado de emprego Boiro Emprega coa incorporación nesta mesma mañá dun prospector e un orientador laboral, os cales comezarán a establecer contactos con empresas, tanto para a formación coma para o emprego, adaptadas ao perfil dos usuarios. O programa -subvencionado pola Consellería de Economía, Emprego e Industria da Xunta de Galicia- está dirixido a persoas desempregadas inscritas como demandantes de emprego.

A primeira fase, baseada na elección de participantes, concluíu no mes de decembro. Un total de 100 persoas participan nesta iniciativa que ten como obxectivo actuar de maneira efectiva sobre a empregabilidade e a inserción laboral no municipio. As accións deste programa combinan actividades de carácter individual e colectivo, procurando desenvolver as competencias prelaborais dos candidatos, mellorar e incrementar as competencias profesionais, achegar os usuarios ao mercado laboral e familiarizalos con ferramentas de busca de emprego. As áreas nas que se incidirá son o turismo, administración e xestión, industria de produción e envasado. 

O programa integrado do emprego lévase a cabo cunha subvención de 250.000 euros e consta dun ano de duración, desenvolvéndose entre o 20 de outubro de 2019 -cando comezou a selección de participantes- e o 20 de outubro de 2020. As accións formativas comezarán a próxima semana e impartiranse no centro de formación e viveiro de empresas situado no polígono industrial de Espiñeira.

Outros artigos

Accidente de tráfico no acceso ao polígono de Espiñeira, en Boiro

Os bombeiros do parque comarcal provincial de Boiro recibiron unha chamada ao redor das 20:00 horas deste mércores 15 de maio alertando dun accidente de tráfico no acceso ao Polígono de Espiñeira coa estrada AG-11, no concello de Boiro. Á chegada dos bombeiros as...

+

Publicidade

Revista en papel

Opinión