A mestura de comedia e teatro chega hoxe, venres 8, a Rianxo da man de Pedro Brandariz, Fran Rei e Isabel Risco, de Culturactiva, con Papar sen cancelas. Trátase dun delicioso espectáculo onde o público terá a ocasión de deleitarse cunha exquisita selección gourmet dos mellores pratos da nosa lingua. Os asistentes poderán presenciar as artes para a cociña cómica de tres chefs preparando o menú para personaxes entre o máis distinguido do panorama galego actual. Esta cita terá lugar ás 21.00 horas, na Sala Arcos Moldes do Auditorio municipal.
A proposta está destinada a un público adulto. A entrada é de balde ata completar aforo, procedendo á retirada dos tíckets unha hora antes na billeteira do Auditorio, cun máximo establecido en 2 por persoa.
Este evento forma parte do programa Rede Cultural da Deputación da Coruña.
