Catro familias de Rianxo poderán habitar en réxime de alugueiro nas vivendas dos mestres

26 Setembro 2019

20190926. O delegado da Xunta de Galicia na Coruña, Ovidio Rodeiro, acompañado polo alcalde Adolfo Muíños, visitaron esta mañá as vivendas dos mestres rehabilitadas en Rianxo. Esta actuación permitirá poñer a disposición de catro familias do municipio vivendas en réxime de alugueiro cunhas condicións vantaxosas, ao mesmo tempo que se recupera un edificio emblemático desta vila e se protexe o seu patrimonio.

Trátase dun edificio de baixo e dúas plantas sito na rúa dos Mestres. A rehabilitación permitiu destinar catro pisos a acoller a persoas que pasen por unha situación de emerxencia social. Os traballos incluíron tamén a instalación dun ascensor no edificio, o illamento térmico e acústico do inmoble e a renovación integral de tódalas súas instalacións.

Este programa de rehabilitación no ano 2019 sumou a súa terceira convocatoria e está dirixido a concellos con menos de 20.000 habitantes.

Ovidio Rodeiro salientou que este non é o único programa a disposición das entidades locais para facilitar unha residencia aos seus veciños, xa que “dispoñen de varias liñas de actuación para recuperar vivendas ou facilitar o acceso á veciñanza.”

Neste senso, lembrou que os rexedores poden adherirse ao programa de vivendas baleiras da Xunta de Galicia, no que a institución autonómica asume o custo dos seguros de impago e multirrisco de fogar e os adxudicatarios poderían acceder ao Bono de Aluguer Social.

Así mesmo, indicou que a Xunta outorga préstamos autonómicos do Fondo de Cooperación aos concellos galegos, investimentos que poden utilizar para mercar os inmobles para rehabilitar ou para conseguir a totalidade do orzamento necesario para a obra de rehabilitación, xa que as axudas poden chegar a subvencionar ata o 90% da actuación.

Por último, o delegado territorial sinalou que o 2019 está sendo un ano de referencia en materia de rehabilitación, pois foi neste ano no que entrou en vigor a primeira Lei da Comunidade nesta materia, a cal ten por principio básico “que non hai maior desprotección dunha edificación que o abandono ou desuso.”

Outros artigos

Rosana Pérez reclama máis solo industrial na comarca do Barbanza

A deputada do BNG Rosana Pérez vén reclamar no Parlamento máis superficie industrial para O Barbanza, ao tempo que lembrou a “escaseza clamorosa” de solo empresarial en Barbanza Arousa, onde os catro parques empresariais existentes (Ribeira, A Pobra, Boiro e Rianxo)...

+

Publicidade

Revista en papel

Opinión

“España no va como un cohete”. José Castro López

“España no va como un cohete”. José Castro López

La Comisión Europea eleva al 2,1 por cien el crecimiento del Producto Interior Bruto(PIB) en 2024, cuatro décimas por encima de pronósticos anteriores, prevé que Españacumplirá el objetivo del 3 por cien del déficit que exigen las reglas fiscales, espera quecontinúe...