20190910. Os establecementos ribeirenses Casa Patrón, El Rincón del Chocolate e A Recoveira foron os gañadores dos concursos postos en marcha este verán con motivo da feira artesanal e mariñeira Artemar nas categorías de mellor decoración de local hostaleiro, escaparatismo e de mellor tapa, respectivamente.
O alcalde Manuel Ruiz acompañado do edil de Comercio, Ramón Doval, e da concelleira de Cultura, María Sampedro, desprazouse ata os negocios para facer entrega dos obsequios aos gañadores. Deste xeito, Manolo García, de Casa Patrón, Diana Muíños, de El Rincón del Chocolate, e Dani Torres, de A Recoveira, recolleron cadansúa distinción.
Cómpre lembrar que o resultado destes concursos derivou das votacións dos propios asistentes á feira Artemar, pois dispúxose dunha urna habilitada para o depósito de votos. En total, emitíronse máis de 800 boletos entre estes certames postos en marcha en colaboración coa Asociación de Empresarios de Riveira.
