20190801. Esta fin de semana chega unha nova edición do Comercio na Rúa á Pobra do Caramiñal. Para esta nova convocatoria, o Concello pobrense e a Asociación do Pequeno Comercio teñen preparadas 14 tendas que ocuparán a praza do Emigrante, no centro da vila, ao carón dos xardíns Valle-Inclán. A oferta comercial inclúe moda xuvenil e denim, boutique feminina, moda urbana, moda deportiva e calzado, tanto de adulto coma infantil, así como complementos. As persoas que se acheguen a esta actividade poderán desfrutar das novas coleccións do comercio a prezos rebaixados, ademais de descubrir avances de tempada.
Este evento comercial comezará mañá venres, 2 de agosto, de 17.00 a 23.00 horas, prolongándose durante o sábado e o domingo en horario ininterrompido de 11.00 a 23.00 horas.
Desde o Concello da Pobra e a Asociación do Pequeno Comercio (Centro Comercial Aberto Deán) convidan á veciñanza e visitantes a ser partícipes desta cita.
