20190823. Alumnado participante nos campamentos de conciliación Verán Cultural que organiza o Concello de Ribeira visitou esta mañá o Centro Cultural Lustres Rivas co obxectivo de contemplar a exposición Antoloxía Debuxada II, que reúne preto de corenta creacións de Xerardo Crusat, Xoán Fernández, Antonio Pérez e Maralla, catro artistas locais de renome.
A responsable do Servizo de Normalización Lingüística, Alicia Padín, exerceu de guía nesta mostra na que dous grupos de rapaces e rapazas pasaron pola instalación ao longo da mañá.
A mostra pode ser visitada de xeito gratuíto ata o vindeiro 27 de agosto, de luns a venres en horario de 10.00 a 14.00 horas e de 19.00 a 21.00 horas, así como os sábados de 11.00 a 14.00 horas e de 19.00 a 21.00 horas.
