20190828. Acábanse de iniciar as obras para a renovación da cuberta no colexio de Deán, no concello de Ribeira. Esta actuación atópase sufragada pola administración local cun importe que ascende a 17.242 euros.
Operarios de Incor Soluciones Integrales S.L.U. están a ser os encargados de executar estes traballos. Neste senso, a anterior cuberta, formada por pranchas de fibrocemento, atopábase en mal estado ocasionando humidades e goteiras ocasionais no interior.
Co obxectivo de solucionar estes problemas, substitúese por unha nova cuberta de panel sándwich nervado de 4 milímetros de espesor, formado por dúas chapas de aceiro prelacado de 50 milímetros cada unha e, entre ambas, un illamento de escuma de poliuretano.
O proxecto tamén inclúe a colocación de baixantes de canalón de PVC, así como a colocación dun falso teito de pladur no patio de unión entre os dous volumes construtivos que integran o colexio.
Está previsto que os labores finalicen antes do comezo do curso.
