20190729. A pobrense praia de Cabío converterase en escenario do Torneo Fútbol Praia 3×3 que terá lugar o venres, 2 de agosto, a partir das 16.00 horas, así como o sábado, 3 de agosto, durante todo o día nos campos de xogo de Cabío.
O venres xogaranse as fases previas en horario de 16.00 a 22.00 horas, mentres que o sábado disputaranse os últimos partidos da fase previa e as finais de cada categoría ao longo de todo o día, desde as 12.00 ata as 19.00 horas.
As categorías participantes, tanto masculina coma feminina, son Prebenxamín, Benxamín, Alevín, Infantil, Cadete e Xuvenil.
O mércores 31, ás 14.00 horas, remata o prazo de inscrición.
