20190701. Durante a mañá de onte celebrouse en augas da ría de Arousa a terceira edición da Travesía a nado Illa de Rúa organizada pola xunta local ribeirense da Asociación Española Contra el Cáncer (AECC), baixo a supervisión do técnico Juan Carlos Brión. Os gañadores resultaron ser Carlos Brión Sampedro e Ana Buceta Lago.
A saída da proba deuse na illa de Rúa, desde onde os preto de cen participantes tiveron que cruzar a nado os 4.400 metros que os separaban das instalación do Club Náutico Deportivo de Ribeira. A continuación, procedeuse á entrega dos trofeos e dos regalos doados por entidades e empresas colaboradoras.
Ademais, o trofeo para a persoa máis nova foi parar a mans de Ana Buceta Lago, de 16 anos, mentres que ao máis veterano foi para Manuel Antonio Rodríguez Yáñez, de 71 anos.
