As brigadas de deseucaliptización erradicaron especies foráneas en máis de 30.000 m² da comarca

17 Xuño 2019
Os participantes na xeira de traballo de Rianxo

Deseucaliptización foi a palabra galega do ano en 2018 e non o foi porque si. Foino, en parte, porque íamos escoitar dela no futuro. Este mes de xuño, por exemplo, escoitouse ben nos montes de Barbanza, tan castigados polo lume cada ano (aínda son recentes os lumes que asolagaron a práctica totalidade do monte de Rianxo e o de Lampón, en Boiro) e tan inzados dunha da especies forestais que máis e mellor contribúe á proliferación dos incendios (logo da non menos negativa acción humana): os eucaliptos. Estamos a falar das accións simultáneas e colectivas de erradicación destas árbores impulsadas dende Cousa de Raíces. As batidas na comarca leváronse a cabo en Rianxo, no monte Filgueiras, e máis en Lousame, na contorna dun dos núcleos galegos máis activos en materia de reivindicación do monte autóctono: a aldea de Froxán.
As actividades formaron parte da segunda edición da Deseucaliptización Simultánea de Galiza, convocada pola rede a prol do bosque galegos Cousa de Raíces. Ao abeiro desta iniciativa, desenvolvéronse unhas 15 actuacións de eliminación de eucaliptos e acacias en todo o país, accións que comezaron o pasado 1 de xuño e remataron onte sábado, 15 de xuño, con motivo da Semana do Medio Ambiente. En total, participaron arredor de medio milleiro de activistas de todas as idades.

En termos xenéricos, conseguíronse arrincar dos nosos montes 81.200 pés das devanditas especies invasoras, entre gromos, plántulas e árbores de meirande porte.
O 90% das árbores eliminadas foron Eucalyptus globulus (o máis espallado na nosa terra), mais en seis das quince actividades realizadas tamén se intentou erradicar Acacia melanoxylon ou acacia negra e a mimosa ou Acacia dealbata.
A quedada ambiental de Lousame levouse a cabo o pasado 8 de xuño. As brigadas deseucaliptizadoras (Verdegaia, Montescola e CMVMC Froxán) conseguiron erradicar 10.000 pés de eucalipto e actuar sobre unha superficie de 30.000 metros cadrados. As actuacións no monte Filgueiras de Rianxo, desenvolvidas por Fousas ao Monte e CMVMC O Fieitoso, contaron coa presenza de 30 participantes e abrangue unha superficie de 1.000 metros cadrados. Suprimíronse 200 pés de acacias.

A brigada dos montes de Froxán en Lousame

Outros artigos

Martes segue o sol e lixeira baixa da temperatura

Galicia seguirá na influencia anticiclónica con réxime de ventos do nordés. Con esta situación teremos néboas en comarcas do interior e ceos moi abertos. As temperaturas sufrirán un lixeiro descenso máximas de 23 graos Os ventos soprarán do norte-nordés moderados, con...

+

Publicidade

Revista en papel

Opinión

“Lisboa, luz cosmopolita”. Alberto Barciela

“Lisboa, luz cosmopolita”. Alberto Barciela

En apariencia, lo único que vemos de la ciudad es lo que la ciudad nos muestra. Lisboa es traslúcida, se da toda en su generosa actitud para quien se predispone a admirarla, para los que abren sus brazos con el fin de abarcar un pequeño pleno universo cosmopolita,...

“Saber lo que cobramos”. José Antonio Constenla

“Saber lo que cobramos”. José Antonio Constenla

El presidente de la CEOE, Antonio Garamendi, ha propuesta que losempresarios ingresen a cada trabajador la totalidad de su salario y quedespués sea el Estado el que se ajuste con ellos y les cobre loscorrespondientes tributos sobre su nómina. Así, estos, podrían...