O Concello de Boiro solicita medidas para calmar o tráfico na AC-305 ao seu paso pola Magdalena

29 Outubro 2020

O Concello de Boiro vén de facer unha solicitude á Consellaría de Infraestruturas e Mobilidade para que “se tomen medidas destinadas a reducir a velocidade da AC-305 ao seu paso polo lugar da Magdalena, na parroquia de Lampón”. A demanda vén motivada polas numerosas queixas dos veciños e a sucesión de accidentes na zona. O Goberno boirense acompaña a petición lembrando “o elevado número de accidentes de tráfico acontecidos nos últimos anos no dito núcleo da Magdalena”, un fenómeno que foi en aumento, especialmente no treito comprendido entre os quilómetros 580 e 870 da AC-305.

“Esta estrada transcorre por unha área urbana e residencial, con numerosas vivendas unifamiliares na súa marxe”, explica o Concello, engadindo que a veciñanza ten achegado á Administración local, en diversas ocasións, a súa preocupación pola velocidade elevada á que os vehículos circulan pola zona.

O Concello recorda que este ano déronse como mínimo cinco accidentes de circulación graves, un deles nos últimos días, que provocaron tamén danos nos vehículos estacionados. “A estrada”, amais, “pasa moi próxima tamén á Igrexa de Lampión e no lugar atopase unha parada de autobús de liñas municipais, comarcais e autonómicas, polo que o risco para os viandantes e moi elevado”, engade o Goberno local.

Outros artigos

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...